Nəsimi RPİ 22-ci Polis Şöbəsi əməkdaşlarının keçirdikləri tədbirlərlə rayon ərazisində bir nəfərin 120.000, digər iki şəxsin 2200 və 6000 manat pullarını, daha bir nəfərin isə mobil telefonunu dələduzluq yolu ilə ələ keçirməkdə şübhəli bilinən 54 yaşlı H.Məmmədov, 27 yaşlı Q.Maşıyev, 23 yaşlı Ə.Babayev və 45 yaşlı X.İsmayılova müəyyən olunaraq saxlanılıblar.

Məlumatı DİN mətbuat xidməti yayıb. 

Nizami RPİ 24-cü Polis Şöbəsi əməkdaşlarının keçirdikləri tədbirlərlə 76 yaşlı bir nəfəri aldadıb hesabına 1200 manat pul ödətdirməklə dələduzluq etməkdə şübhəli bilinən, əvvəllər də eyni əmələ görə məhkum olunmuş 69 yaşlı A.Əkbərov saxlanılıb.

Yasamal RPİ 26-cı Polis Bölməsi əməkdaşlarının keçirdikləri tədbirlərlə isə 66 yaşlı bir qadının 12000 manatını dələduzluq yolu ilə ələ keçirməkdə şübhəli bilinən, əvvəllər də eyni əmələ görə məhkum olunmuş 55 yaşlı P.Əliyeva müəyyən olunaraq saxlanılıb.

Faktlarla bağlı araşdırmalar aparılır. 

P.ƏMİRCANOV
XQ