Azərbaycanın xarici işlər nazirinin müavini Fariz Rzayevin rəhbərlik etdiyi nümayəndə heyəti Sloveniyada keçirilən Bled Strateji Forumunda iştirak edib.

Forum çərçivəsində qlobal iqtisadiyyat mövzusuna həsr olunmuş paneldə çıxış edən F.Rzayev dövlətimizin həyata keçir­diyi irimiqyaslı enerji layihələri, Avropa ölkələrinin enerji təhlükəsizliyinə verdiyi töhfə barədə məlumat verib, beynəlxalq nəqliyyat dəhlizlərinin yaradılması və fəa­liyyəti sahəsində oynadığı vacib rol barədə danışıb. O, Azərbaycanın bu fəaliyyətinin Cənubi Qafqaz regionunun təhlükəsiz, fi­ravan və inkişaf etmiş bir məkana çevril­məsi baxımdan xüsusi əhəmiyyətə malik olduğunu vurğulayıb.

Sloveniyanın Xarici İşlər Nazirliyində dövlət katibi Marko Ştuçin ilə keçirilmiş görüşdə Azərbaycan ilə Sloveniya arasında ikitərəfli əməkdaşlığın gündəliyində duran aktual məsələlər, o cümlədən iki ölkə ara­sında siyasi dialoqun intensivləşdirilməsi, iqtisadiyyat və s. sahələr üzrə əməkdaşlı­ğın inkişaf etdirilməsi məsələləri müzakirə olunub. 

XQ