Baş prokuror Kamran Əliyev ölkəmizdə “Türk dövlətlərinin hüquq tətbiqetmə fəaliyyətlərində rəqəmsallaşma və inteqrasiya” mövzusunda keçirilən bey­nəlxalq konfransın iştirakçıları ilə görüşüb.

Türkiyə, Qazaxıstan, Qırğızıstan, Öz­bəkistan və Şimali Kipr Türk Respublika­sından olan qonaqları salamlayan Baş prokuror tarixi bağları və ortaq dəyərləri olan qardaş və dost türk dövlətlərinin müxtəlif qurumları, o cümlədən prokuror­luq orqanları arasında əlaqələrin güclən­dirilməsinin önəmli olduğunu bildirib.

Baş prokuror böyük coğrafiyanı əhatə edən türk dünyasının hüquq mühafizə orqanlarının akademik dairələri arasında qarşılıqlı və səmərəli əməkdaşlığın ge­nişləndirilməsinin əhəmiyyətini diqqətə çatdırmaqla, keçirilmiş konfransın müa­sir zamanın tələblərinə uyğun hüquq tət­biqetmə sahəsində rəqəmsallaşma üçün çağırışlara tutarlı cavab verməyə xidmət edəcəyini, mövcud potensialın inkişafında və qarşılıqlı fəaliyyətin əlaqələndirilməsin­də səmərəli vasitə olacağını bildirib.

Konfrans iştirakçıları göstərilmiş qo­naqpərvərliyə görə təşəkkür ifadə edərək dövlətlərimiz və xalqlarımız arasında dostluq və qardaşlıq münasibətlərinə bö­yük önəm verdiklərini qeyd ediblər.

XQ