Son illərdə süni intellekt sürətlə insanların gündəlik həyatının bir hissəsinə çevrilir. Dizaynerlər indi süni intellektlə işləyən proqramlar vasitəsilə daxil edilən əmrlər əsasında yalnız bir toxunma ilə reklam afişaları və vizual məhsullar yarada bilirlər. İfaçılar çox qısa müddət ərzində mahnılar yaradır və süni intellektlə işləyən hüquqşünas tətbiqinin köməyi ilə məhkəmə işinə “dərhal” baxılır.
Bundan əlavə, smartfonlarda səsli köməkçilər, avtonom sürücülük sistemləri, ağıllı yollar, onlayn alış-veriş saytlarında alqoritmlər və tibbi təsvirlər süni intellekt sayəsində fəaliyyət göstərir.
Mərmərə Universitetinin Vizual Ünsiyyət Dizaynı Departamentinin rəhbəri, professor Əli Murat Kırık bildirib ki, texnologiyanın öyrənilməsi (Machine Learning), dərin öyrənmə (Deep Learning) və təbii dil birləşməsindən ibarət olan süni intellekt sistemi Türkiyədə və dünyada getdikcə geniş yayılır.
Professor xatırladıb ki, Avropa Parlamenti süni intellektdən istifadəni tənzimləyən qanun qəbul edib. Türkiyədə də belə qanunların qəbulu mümkündür. Kırık deyib ki, Türkiyədə əsasən ASELSAN, HAVELSAN şirkətləri, eləcə də Elmi və Texniki Araşdırmalar Şurasının (TÜBİTAK) iştirakı ilə süni intellekt sahəsində fəal inkişaf tendensiyası davam edir.
P.ƏMİRCANOV
XQ
