Azərbaycanda səfərdə olan Şimali Kipr Türk Respublikasının Prezidenti Ersin Tatar oktyabrın 16-da Beynəlxalq Türk Mədəniyyəti və İrsi Fondunu ziyarət edib.
Dövlət başçısı ziyarət çərçivəsində fondun prezidenti Günay Əfəndiyeva ilə görüşüb.
G.Əfəndiyeva Şimali Kipr Prezidentinə Beynəlxalq Türk Mədəniyyəti və İrsi Fondunun fəaliyyəti barədə məlumat verib.
E.Tatar isə qeyd edib ki, Şimali Kiprin tezliklə Beynəlxalq Türk Mədəniyyəti və İrsi Fondunun üzvü olacağına ümid edirlər: "Biz birlikdə bir çox işlərə imza atacağıq”.
Xatırladaq ki, Şimali Kipr Prezidenti Ersin Tatar oktyabrın 12-də 200 nəfərdən ibarət nümayəndə heyəti ilə Azərbaycana səfər edib. Səfər bu gün başa çatacaq.