Avqustun 29-da Azərbaycan Qızıl Aypara Cəmiyyəti (AzQAC) tərəfindən Qarabağda yaşayan erməni əsilli sakinlər üçün göndərilən və içərisində 40 ton un olan iki yük maşını artıq 9 gündür Rusiya sülhməramlılarının Ağdam-Xankəndi yolundakı postunda gözləyir.

Azərbaycan Qızıl Aypara Cəmiyyəti­nin əməkdaşları, könüllülər ötən gün də ərazidə qurulan çadırlarda gecələyiblər. Cəmiyyətin vitse-prezidenti Qafar Əs­gərzadə deyib: “Bir həftə ötməsinə bax­mayaraq, Rusiya sülhməramlı qüvvələri tərəfindən yardımın qəbul edilməsi ilə bağlı bizə heç bir məlumat daxil olmayıb. Buna baxmayaraq, Azərbaycan Qızıl Ay­para Cəmiyyətinin rəhbər heyəti, əmək­daşları və könüllüləri ərazidə qurulan ça­dırlarda gecələyir və öz vəzifə borclarını yerinə yetirməyə hazırdırlar. Cavab alın­dığı təqdirdə onlar 40 ton un məmulatla­rını dərhal Qarabağ iqtisadi bölgəsində yaşayan erməniəsilli sakinlərə çatdıra­caqlar. Biz hələ də cavab gözləyirik”.

XQ