27 Mart Elm Günündə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli muxtar respublikanın elm xadimləri və ziyalıları ilə görüşüb.
Səlahiyyətli nümayəndə Elm Günü münasibətilə muxtar respublikanın elmi işçilərini səmimi təbrik edib, ümumi inkişafın təmin olunması, kadr hazırlığı sahəsində alim və ziyalıların qarşısında duran vəzifələrdən danışıb, hərtərəfli tərəqqiyə elmi yanaşmanın vacibliyini vurğulayıb.
Azərbaycan Milli Elmlər Akademiyası Naxçıvan Bölməsinin sədri, akademik İsmayıl Hacıyev, Bioresurslar İnstitutunun baş elmi işçisi, akademik Tariyel Talıbov, Naxçıvan Dövlət Universitetinin rektoru Elbrus İsayev, Naxçıvan Müəllimlər İnstitutunun rektoru Azad Novruzov, Naxçıvan Dövlət Universitetinin elm və innovasiyalar bölməsinin müdiri Elnarə Allahverdiyeva, Naxçıvan Dövlət Universitetinin müəllimi Nicat Yaqubov, “Naxçıvan” Universitetinin rektoru Anar Kazımov və Azərbaycan Milli Elmlər Akademiyası Naxçıvan Bölməsinin Tarix, Etnoqrafiya və Arxeologiya İnstitutunun şöbə müdiri Vəli Baxşəliyev çıxış edərək muxtar respublikada elmin və təhsilin inkişafına yönəlik mülahizələrini bölüşüblər.
Səlahiyyətli nümayəndə görüşə yekun vuraraq səslənən təkliflərin faydalı olduğunu qeyd edib.
Səbuhi HƏSƏNOV,
“Xalq qəzeti”nin bölgə müxbiri
