Türkiyənin mərkəzi media yayımları Azərbaycan Prezidenti İlham Əliyevin Qoşulmama Hərəkatının COVID-19-a qarşı mübarizə üzrə Təmas Qrupunun martın 2-də Bakıda keçirilən Zirvə görüşündəki çıxışında Fransanın müstəmləkəçilik siyasətini sərt tənqid etməsini geniş işıqlandırıb.

Anadolu agentliyinin yaydığı “Prezident Əliyev Fransanın müstəm­ləkəçilik siyasətini davam etdirmə­sinə sərt etirazını bildirdi” sərlövhəli məqalədə Azərbaycan rəhbərinin çıxı­şında dünyada neokolonializm meyil­lərinin artdığını vurğulayaraq, Fransanı sərt tənqid etdiyi qeyd olunub. Yazı­da Prezident İlham Əliyevin çıxışında suverenlik və ərazi bütövlüyünün po­zulması, dövlətlərin daxili işlərinə mü­daxilə hallarının artdığını, beynəlxalq təşkilatların qərarlarının yerinə yetiril­mədiyini, yaxud ikili standartlarla həya­ta keçirildiyini bildirdiyi vurğulanıb.

“TRT Haber” kanalı “Prezident Əli­yevdən Fransaya ultimatum: Soyqı­rımlar üçün üzr istə, o adalardan çıx” adlı yayımında dövlətimizin başçısının Qarabağın otuzillik işğalı dövründə Ermənistanı açıq şəkildə dəstəkləyən Fransaya çağırış etdiyi bildirilib, Azər­baycan Prezidentinin “Qoşulmama Hərəkatının təməl sənədlərində əks olunduğu kimi, biz Fransa hökumətini Yeni Kaledoniya xalqının və Fransanın dənizaşırı icma və ərazilərindəki digər xalqların hüquqlarına hörmət etməyə çağırırıq. Fransanın Avropadan kənar­da idarə etdiyi ərazilər fransız müstəm­ləkə imperiyasının iyrənc qalıqlarıdır” ifadələri izləyicilərin diqqətinə çatdırı­lıb. 

“Yeni Şafak” qəzetində dərc edilən məqalə isə oxuculara bu sərlövhə ilə təqdim olunub: “Azərbaycan Prezidenti İlham Əliyev qanlı müstəmləkə ci­nayətləri və soyqırımı əməllərinə görə Fransaya çağırış etdi”. Dövlətimizin başçısının Qoşulmama Hərəkatının Zirvə görüşündəki çıxışına dairYazıda vurğulanıb ki, Prezident İlham Əliyev Fransadan müstəmləkə cinayətlərinə və törətdiyi soyqırımlarına görə üzr istəməsini tələb edib.

Türkiyənin bir çox KİV-lərində ya­yımlanan xəbərlərdə də Prezident İlham Əliyevin Fransanın müstəmləkə və soyqırımı cinayətlərinə görə üzr istəməsi və cavab verməsinin vacib­liyi barədə fikirləri geniş işıqlandırılıb. Qardaş ölkə mətbuatında dərc olunan məqalələrdə Azərbaycan Prezidentinin dünya düzəninin yenidən formalaş­maqda olması, “Soyuq müharibə”nin sona çatmasından bəri dünyada ən ciddi Şərq-Qərb qarşıdurmasının ya­şanması, habelə BMT Təhlükəsizlik Şurasında islahatların aparılmasının vacibliyi və Qoşulmama Hərəkatının Təhlükəsizlik Şurasında təmsil olun­ması barədə fikirlərinə də geniş yer verilib.

***

Qoşulmama Hərəkatının CO­VID-19-a qarşı mübarizə üzrə Təmas Qrupunun Bakıda keçirilən Zirvə gö­rüşü və Azərbaycan Prezidenti İlham Əliyevin tədbirdə çıxışı Rusiya KİV-lə­rində də geniş işıqlandırılıb.

“Lenta.ru”, “Moskovskiy komsomo­lets”, “Profil” nəşrləri Prezident İlham Əliyevin Zirvə görüşündə çıxışında Azərbaycan hökumətinin son 2 ildə Qarabağın bərpasına 4 milyard dollar ayırdığı, Azərbaycanın bu bərpa işlə­rini öz vəsaiti hesabına həyata keçir­diyi, eləcə də bu il həmin məqsədlərə daha 1,7 milyon dollar vəsait ayrılacağı barədə bəyanatını önə çəkib. Yazılar­da bildirilib ki, Azərbaycan dövlətinin başçısı Qarabağda kənd və şəhərlərin sıfırdan, “ağıllı kənd” və “ağıllı şəhər” prinsipi ilə tikildiyini qeyd edib.

“TASS” agentliyinin Bakıda keçi­rilən Zirvə görüşündən hazırladığı in­formasiyalarda Azərbaycan liderinin ölkəmizin Qoşulmama Hərəkatının ehtiyacı olan üzv ölkələrinə maliyyə və humanitar yardım göstərməyə davam edəcəyi, Afrikanın və inkişaf edən kiçik ada dövlətlərinin pandemiyadan son­rakı bərpasını dəstəkləmək məqsə­dilə ilk donor ölkə kimi 1 milyon ABŞ dolları məbləğində vəsait ayırması barədə bəyanatından bəhs edilir. Bun­dan başqa, Azərbaycan Prezidentinin Hərəkatın digər üzvlərini də bu təşəb­büsü dəstəkləməyə çağırdığı, eləcə də BMT-nin COVID-19-dan sonra Qlobal Bərpa üzrə Yüksək Səviyyəli Panelinin yaradılmasını təklif etdiyi vurğulanıb.

Prezident İlham Əliyevin Minaların Təsirinə Məruz Qalmış Ölkələrin Həm­fikirlər Qrupunun yaradılması təklifi də Rusiya KİV-lərinin önə çıxardığı fikirlər­dəndir.

***

Bakıda keçirilən Qoşulmama Hərə­katının COVID-19-a qarşı mübarizə üzrə Təmas Qrupunun Zirvə görüşü ərəb mediasının diqqət mərkəzindədir.

Misirin “Cairo24” informasiya porta­lı Qoşulmama Hərəkatına sədrlik edən Azərbaycan Prezidenti İlham Əliyevin çıxışından əsas məqamları dərc edib. Materialda diqqətə çatdırılıb ki, Pre­zident İlham Əliyev Hərəkatın son bir neçə ildə beynəlxalq münasibətlərdə mühüm aktorlardan birinə çevrildiyini, pandemiyanın başlamasından dərhal sonra COVID-19-a qarşı qlobal səyləri səfərbər etmək təşəbbüsü ilə çıxış et­diyini bildirib. 

Liviyanın LANA agentliyinin xə­bərində Azərbaycanın Qoşulmama Hərəkatına uğurlu sədrliyi vurğulanıb, bu münasibətlə Liviya Prezident Şura­sının sədri Məhəmməd Yunis Əl-Mən­finin Prezident İlham Əliyevə təşəkkür etdiyi qeyd edilib. Xəbərdə diqqətə çatdırılıb ki, Liviya Prezident Şurasının sədri COVID-19 pandemiyasının bəşə­riyyətə silahlı münaqişələrdən də çox ziyan vurduğunu deyib, bütün dövlətlə­ri öz ölkəsində münaqişənin həllinə və sabitliyə kömək etməyə çağırıb.

İraqın INA agentliyinin xəbərində qeyd edilib ki, Azərbaycan Qoşulmama Hərəkatının tarixində ən uğurlu sədrlik edən ölkə olub və bəşəriyyət üçün ən ağır bir zamanda – COVID-19 pan­demiyası dövründə mühüm və faydalı təşəbbüslərlə çıxış edib. Materialda İraq Prezidenti Əbdüllətif Camal Rəşi­din Zirvə görüşündə çıxışına geniş yer verilib. Qeyd olunub ki, İraqın dövlət başçısı pandemiya ilə əlaqədar ölkə­sində hələ də mövcud olan problem­lərdən, iqlim dəyişikliyi ilə bağlı görülən işlərdən ətraflı bəhs edib.

“Xalq qəzeti”