Cari ilin yanvar ayında Azərbaycan 43 min 261,3 ton meyvə ixrac edib. Əvvəlki ilin eyni dövrü ilə müqayisədə bu sahədə 23,5 faizlik artım qeydə alınıb. Bu barədə XQ-yə Kənd Təsərrüfatı Nazirliyindən məlumat verilib.
Bildirilib ki, ölkəmizdə meyvə bağların sahəsinin genişlənməsi, ötən illərdə salınmış intensiv bağların bara düşməsi məhsul istehsalının və ixracının artmasında böyük rol oynayıb. Məhz bunun nəticəsidir ki, Azərbaycan ötən ay meyvə ixracından 44 milyon 710,1 min ABŞ dolları gəlir əldə edib. Bu isə 2024-cü ilin eyni dövrünə nisbətən 22,8 faiz çoxdur. Məlumatda qeyd olunur ki, ay ərzində ölkəmizdən xaricə ən çox şişburun xurma, alma, armud, heyva, nar, sitrus meyvələri göndərilib.
