Çin sahibkarları Ələt Azad İqtisadi Zonasına səfər ediblər. Burada Ümumçin Sənaye və Kommersiya Federasiyasının icraçı sədr müavini Şen Yinin rəhbərlik etdiyi yüksək səviyyəli nümayəndə heyəti ilə Ələt Azad Zonasının Səlahiyyətli Qurumunun İdarə Heyətinin sədri Valeh Ələsgərov arasında görüş keçirilib. 

Görüş zamanı V. Ələsgərov ziyarət­çilərə Ələt Azad İqtisadi Zonasında in­vestorlar üçün yaradılmış əlverişli mühit haqqında geniş məlumat verib. Qonaqlar iqtisadi zonanın daxilində və xaricində isti­fadəyə hazır mühəndis və kommunikasiya sistemləri ilə təchiz edilmiş torpaq sahələ­ri və investorlara təklif edilən maliyyə və qeyri-maliyyə imtiyazlar paketi haqqında məlumatlandırılıb.

Nümayəndə heyətinin rəhbəri Şen Yin iqtisadi zonanın strateji coğrafi mövqeyi və qanunvericilik bazası, habelə düzgün qurulmuş infrastrukturu yüksək qiymət­ləndirərək bu ərazinin investorlar, xüsusilə Çin sahibkarları üçün cəlbedici olduğunu bildirib. Federasiya üzvlərinin əksəriy­yətinin yüksək texnologiyalara əsaslanan istehsal fəaliyyəti ilə məşğul olduğunu vurğulayan qonaq Çin şirkətlərinin təqdim edilən əlverişli üstünlüklərdən yararlana­raq burada öz istehsal müəssisələrini ya­radacaqlarına ümidvar olduğunu diqqətə çatdırıb.