“Azərbaycan Respublikasının 2022–2026-cı illərdə sosial-iqtisadi inkişaf Strategiyası”nda nəzərdə tutulan tədbirlərin tam, vaxtında və səmərəli icrasının təmin edilməsi və aidiyyəti dövlət orqanlarının fəaliy­yətinin əlaqələndirilməsi məqsədilə Nazirlər Kabinetinin müvafiq sərən­camı ilə yaradılan “Makroiqtisadi dayanıqlılıq” üzrə İşçi qrupun növbəti iclası keçirilib. 

Toplantıda strategiyanın 2024-cü il üçün nəzərdə tutulan hədəfləri çərçivə­sində birinci yarımillik üzrə görülən işlə­rin monitorinq və qiymətləndirilməsinə dair müzakirə aparılıb. İşçi qrupun sədri, Mərkəzi Bank sədrinin birinci müavini Rə­şad Orucov adıçəkilən strategiya istiqamə­tində təmsil etdiyi qurumun həyata keçirdi­yi tədbirlər barədə məlumat verib.

İqtisadi İslahatların Təhlili və Kom­munikasiya Mərkəzi icraçı direktorunun və İşçi qrupun sədrinin müavini Ayaz Mü­seyibov “Daxili və xarici təsirlərə daya­nıqlılıq” məqsədi üzrə hesabatın 3 fəaliy­yət istiqaməti çərçivəsində təsdiqlənən 15 tədbirin cari ilin birinci yarısı üzrə moni­torinq və qiymətləndirmə nəticələrinə dair ətraflı məlumatı diqqətə çatdırıb. O, eyni zamanda, tədbirlərin icrası istiqamətində müəyyənləşdirilən çağırışları və tövsiyələ­ri təqdim edib, ilin sonunadək nəzərdə tu­tulan layihələrin sürətlə həyata keçirilməsi ilə bağlı fikirlərini bölüşüb.