İşğaldan azad edilmiş rayonlarda I yarımildə 840 yeni iş yeri açılıb. Dövlət Statistika Komitəsinin məlumatına əsasən, bu göstərici ötən ilin müvafiq dövrü ilə müqayisədə 42 faiz yüksəlib. Belə ki, 2023-cü ilin I yarımilində Qarabağda 593 yeni iş yeri yaradılmışdı.
Yanvar–iyun ayları ərzində ən çox iş yeri Laçın və Şuşada açılıb. Bu dövrdə Laçında 299, Şuşada isə 232 yeni məşğulluq qeydə alınıb.
Xatırladaq ki, hesabat dövründə azad edilmiş rayonlarda 159 yeni müəssisə və təşkilat, 1726 yeni fərdi sahibkarlıq subyekti dövlət qeydiyyatından keçib. Ötən ilin müvafiq dövrü ilə müqayisədə yeni yaradılmış müəssisə və təşkilatların sayı 90, fərdi sahibkarların sayı isə 488 vahid artıb.
