Azərbaycan Mərkəzi Bankı ölkədə ümumi daxili məhsulun (ÜDM) 2025-ci ilədək 4-5 faiz səviyyəsində artacağını proqnozlaşdırır.
Bankın idarə heyətinin sədri Taleh Kazımovun bildirdiyinə görə, bu müddətə qədər qeyri-neft sektorunda artım 5-6 faiz səviyyəsində gözlənilir. Onun sözlərinə görə, Azərbaycan iqtisadiyyatının dinamik inkişafı, həmçinin davamlı olaraq artan digər makroiqtisadi göstəricilər bu cür proqnozlar verməyə imkan yaradır.
Xatırladaq ki, Dünya Bankı 2023-cü il üçün Azərbaycanda ÜDM artımını 2,8 faiz, 2024-cü il üçün isə 2,6 faiz səviyyəsində proqnozlaşdırır. Bu il üzrə nominal ÜDM 111,6 milyard manat olaraq qiymətləndirilir.
“Xalq qəzeti”