Azərbaycan Respublikası Prezidentinin tapşırığına uyğun olaraq, iqtisadiyyat naziri Mikayıl Cabbarovun rəhbərlik etdiyi nümayəndə heyəti Bosniya və Herseqovinaya səfər edib.

İqtisadiyyat Nazirliyindən qəze­timizə bildirilib ki, Bosniya və Her­seqovinanın Nazirlər Şurasının sədri xanım Boryana Krişto ilə görüşən Mikayıl Cabbarov Azərbaycanın bu ölkə ilə əlaqələrə önəm verdiyini, iqtisadi-ticarət əməkdaşlığının güc­ləndirilməsi üçün böyük potensialın olduğunu vurğulayıb. Boryana Kriş­to isə Azərbaycanın etibarlı tərəfdaş olduğunu söyləyərək qarşılıqlı iqtisa­di-ticarət əlaqələrinin genişləndiril­məsinin vacibliyini qeyd edib. 

Bosniya və Herseqovinanın xa­rici ticarət və iqtisadi əlaqələr naziri Staşa Koşaraçla görüşdə qarşılıqlı sərmayələrin və biznes dairələri ara­sında birbaşa təmasların artırılması barədə fikir mübadiləsi aparılıb. 

İqtisadiyyat naziri Mikayıl Cabba­rovun Bosniya və Herseqovina Fe­derasiyasının Baş naziri Fadil Nova­liç ilə görüşündə ölkələrimiz arasında iqtisadi münasibətlərin perspektivləri müzakirə edilib. Fadil Novaliç ölkəsi­nin Azərbaycanla əməkdaşlığın ge­nişləndirilməsində maraqlı olduğunu, əlaqələrin yüksələn xətlə inkişaf etdi­yini vurğulayıb. 

Bosniya və Herseqovinanın Serb Respublikasından olan nümayəndə heyəti ilə keçirilən görüşdə Azərbay­canla iqtisadi münasibətlərin prioritet istiqamətləri, investisiyaların və ti­carət əlaqələrinin təşviqi sahəsində perspektivlər barədə fikir mübadiləsi aparılıb.

Səfər çərçivəsində Azərbaycan Respublikasının Ticarət və Sənaye Palatası ilə Bosniya və Herseqovina­nın Xarici Ticarət Palatası arasında əməkdaşlıq haqqında Anlaşma Me­morandumu imzalanıb. Sənədi Azər­baycan Respublikasının iqtisadiyyat naziri Mikayıl Cabbarov və Bosniya və Herseqovina Xarici Ticarət Pala­tasının prezidenti Zdravko Marinko­viç imzalayıblar. 

“Xalq qəzeti”