Bu gün 18 yaşadək yeniyetmə cüdoçular arasında Azərbaycan birinciliyi start götürür.
Azərbaycan Cüdo Federasiyasından “XQ”yə bildiriblər ki, yarış fərdi və komandalar arasında keçiriləcək.
Fövqəladə Hallar Nazirliyinin İdman Sağlamlıq Mərkəzində təşkil olunacaq turnirdə qadınlar və kişilər arasında altı çəkidə 207 cüdoçu medallar uğrunda mübarizə aparacaq.
İlk gündə oğlanlar arasında 46, 60, 81 kiloqram çəki dərəcələrində, qızlar arasında isə 36, 48 və 63 kiloqram çəki dərəcələrində qaliblər müəyyən olunacaq.
