Milli Olimpiya Komitəsinin (MOK) təşkilatçılığı və Beynəlxalq Olimpiya Komitəsinin Olimpiya Həmrəyliyi Fondunun dəstəyi ilə “İdman inzibatçılığı kursu” keçirilib.
Qurumun inzibati binasında təşkil olunan kursun iştirakçıları Bədən Tərbiyəsi və İdman Akademiyasının SABAH qruplarının tələbələri olub. Ümumilikdə 40 tələbənin iştirak etdiyi tədbirdə əsas məqsəd tələbələrin inzibatçılıq üzrə bilik və bacarıqlarını artırmaq olub.
Kursda antik və müasir Olimpiadaların tarixi, kommunikasiya, Olimpiya Oyunlarının təşkil olunması, təhlükəsiz idman, Olimpiya marketinqi və digər mövzularda təqdimatlar edilib, iştirakçılar ilə bu mövzularda fikir mübadiləsi aparılıb.
Sonda iştirakçılara Beynəlxalq Olimpiya Komitəsinin sertifikatları verilib.
Leyla SABİRQIZI
XQ