Azərbaycan ağırlıqqaldıranı Dadaş Dadaşbəyli “Paris-2024” Yay Olimpiya Oyunlarına lisenziya xarakterli turnirdə uğurla çıxış edib.
Qətərin paytaxtı Dohada keçirilən Beynəlxalq Ağırlıqqaldırma Federasiyasının II Qran-Pri yarışında 109 kiloqram çəki dərəcəsində çıxış edən atlet birdən qaldırmada 176 kiloqramı ram edib və bu hərəkətdə qızıl medal qazanıb. O, təkanla qaldırma hərəkətində isə 212 kiloqramı başı üzərinə qaldıraraq gümüş medala yiyələnib. Toplam 388 (176+212) kiloqram nəticə göstərən D. Dadaşbəyli yekun sıralamada da hamını qabaqlayıb və öz çəkisində çempion olub.
Leyla SABİRQIZI
XQ