Azərbaycan Premyer Liqasının XI turunun "Araz-Naxçıvan" - "Qarabağ" oyununun baş tutacağı məkan dəyişdirilib.
Peşəkar Futbol Liqasının (PFL) rəsmi saytına istinadən xəbər verilir ki, Naxçıvan təmsilçisi PFL-ə rəsmi müraciət edərək, qadın futbolçular arasında Millət Liqasında 31 oktyabrda baş tutacaq Azərbaycan – Monteneqro matçının “Dalğa Arena”da keçirilməsi, yaranmış qrafik sıxlığı və ot örtüyünün qorunması səbəbindən Ağdam təmsilçisi ilə görüşün Tofiq Bəhramov adına Respublika Stadionunda keçirilməsini xahiş edib.
“Araz-Naxçıvan”ın rəsmi müraciətini, “Qarabağ” klubunun razılığını əsas götürən Peşəkar Futbol Liqası qarşılaşmanın mərkəzi arenada keçirilməsinə qərar verib.
Matç təqvimdə olduğu kimi "Araz-Naxçıvan" - "Qarabağ" oyunu kimi keçiriləcək və 30 oktyabr saat 19:00-da başlanacaq.