Çinin Çendu şəhərində keçirilən XXXI Ümumdünya Yay Universiadasında komandamızın çıxışı davam edir.
Universiadada növbəti medalları komandamızın aktivinə bədii gimnastımız Zöhrə Ağamirova yazdırıb. İstedadlı gimnastımız halqa (31.800 xal) və gürzlərlə (30.850 xal) hərəkətlərin icrasında gümüş, lentlə (29.150 xal) hərəkətlərdə isə bürünc medal qazanıb.
Qeyd edək ki, bundan əvvəl cüdoçularımız Rəşid Məmmədəliyev (73 kq), gümüş, Yaşar Nəcəfov (66 kq), Leyla Əliyeva (48 kq) bürünc medala sahib olublar.
Universiadada Azərbaycanı 20 ali təhsil müəssisəsindən 18-27 yaş aralığında 87 atlet 16 idman növündə təmsil edir.
L.SABİRQIZI, “Xalq qəzeti”