Azərbaycanın altı cüdoçusu fevralın 25-də Polşanın paytaxtı Varşavada start götürəcək Açıq Avropa turnirində mübarizə aparacaq.
Federasiyadan “Xalq qəzeti”nə verilən məlumatda bildirilir ki, iki gün davam edəcək yarışda yığma 5 çəki dərəcəsində təmsil olunacaq.
İdmançılara qadınlardan ibarət millinin məşqçiləri İmamverdi Məmmədov və Vüqar Hüseynov rəhbərlik edəcək.
48 kq çəki dərəcəsində Ramilə Əliyeva, 52 kq-da Zeynəb Məmmədova, 63 kq-da Diana Şoranova ilə Nərgiz Hacıyeva, 70 kq-da Günel Həsənli və 78 kq-da Aytəkin Paşazadə tatamiyə çıxacaq.
Qeyd edək ki, turnirə 44 ölkədən 463 cüdoçu qatılacaq.
Elçin ABBASOV,
“Xalq qəzeti”