Qırğızıstan prezidenti Sadır Japarov və Tacikistan parlamentinin yuxarı palatası Milli Şuranın sədri Rüstəmi Emomali Düşənbədə danışıqlar zamanı parlamentlərarası əməkdaşlığı genişləndirməyə hazır olduqlarını bildiriblər, Bu barədə Qırğızıstan dövlət başçısının mətbuat xidməti məlumat yayıb. Xəbəri “Anadolu” verib. 

Görüş Sadır Japarovun Tacikistana dövlət səfəri çərçivəsində baş tutub. Danışıqlardan əvvəl prezidentə parlamentin yeni binası göstərilib, o, fəxri qonaqlar kitabını imzalayıb.

Tərəflər Qırğızıstan-Tacikistan əməkdaşlığının aktual məsələlərini müzakirə edib, ikitərəfli münasibətlərin inkişafının əsas istiqamətlərindən biri kimi parlamentlərarası təmasların əhəmiyyətini vurğulayıblar.

Rüstəmi Emomali Tacikistan tərəfinin parlamentlərarası dialoqu aktivləşdirməyə, o cümlədən birgə tədbirlərin keçirilməsinə və komitələr və parlament qrupları arasında əlaqələrin genişləndirilməsinə hazır olduğunu təsdiqləyib.

Sadır Japarov, öz növbəsində, Qırğızıstanın parlament trekinə xüsusi önəm verdiyini qeyd edib: “Qırğızıstan tərəfi sülh, sabitlik və təhlükəsizlik şəraitində iki ölkənin mütərəqqi inkişafı üçün şərait yaratmaq üçün tacikistanlı həmkarları ilə birgə işləmək əzmindədir”, - deyə Japarov bildirib.

P.ƏMİRCANOV
XQ