Almaniyanın xarici işlər naziri postuna namizədlər arasında adı hallanan Xristian Demokrat Birliyinin (CDU) deputatı Armin Laşet Türkiyəni tərifləyib.
Məlumatı XQ “Kaliber.az”a istinadən verib.
“Star”ın yazdığı kimi, onun fikrincə, Almaniya Əkrəm İmamoğlu məsələsinə görə Ankara ilə münasibətləri korlamamalıdır.
“Bələdiyyə sədrinin müdafiəsi üçün sərt çıxış etmək çox asan olardı. Ancaq Rusiya ilə Ukrayna arasında taxıl sazişində və bir çox vasitəçilik əməliyyatlarında Türkiyəyə ehtiyac var. Miqrasiya siyasətinin tənzimlənməsində Türkiyəyə ehtiyac var. Suriyada sabitliyi təmin etmək üçün də Türkiyəyə ehtiyac var. Ona görə də xarici siyasət ehtiyatla qiymətləndirilməlidir”, - Laşet qeyd edib.
P.ƏMİRCANOV
XQ
