Ukrayna və ABŞ yeraltı sərvətlərə dair saziş layihəsi üzərində işləyir. Sənəddə Ukraynanın NATO-ya üzvlüyü məsələsi qaldırılmır. Bunu Ukrayna Prezidenti Vladimir Zelenski jurnalistlərlə söhbəti zamanı deyib. Məlumatı “Anadolu” verib.  

O qeyd edib ki, hazırda müqavilə üzərində əsasən amerikalı və ukraynalı hüquqşünaslar işləyir.

Dövlət başçısı Trampın Ukraynanın guya NATO-ya üzvlük naminə ABŞ-la müqavilə imzalamaq istədiyi barədə son bəyanatına da cavab verib: “Bu sazişə və NATO məsələsinə gəlincə, bu, sazişdə yoxdur və olmayıb”.

ABŞ bu yaxınlarda Ukraynaya sənədin tam versiyasını təklif etdiyi üçün yer təki sazişi hələ müzakirələrin ilkin mərhələsindədir. Əvvəlcə tərəflər çərçivə sazişi imzalamağı və yalnız bundan sonra tamhüquqlu sazişə keçməyi planlaşdırırdılar.

Bundan əvvəl ABŞ prezidenti Donald Tramp bildirib ki, o, Zelenskinin “NATO-ya üzvlük və ya buna bənzər bir şey” naminə ABŞ-la razılaşmaq niyyəti barədə “jurnalistlərdən eşidib”.

P.ƏMİRCANOV

XQ