Yaxın vaxtlarda Amerika Birləşmiş Ştatları Ukraynaya yeni hərbi yardım paketləri təqdim edəcəyini açıqlayacaq.
“Ukrinform” xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinq zamanı bildirib. O, həmçinin Co Baydenin dövründə yanvarın 20-də Ukraynaya Yardım üzrə Əlaqə Qrupunun iclasını elan edib: “Düşünürəm ki, yaxın günlərdə Ukraynaya təhlükəsizlik yardımı ilə bağlı əlavə açıqlamalar da gözləmək olar”.
UNİAN xəbər verir ki, dekabrın 30-da Amerika lideri Co Bayden Ukrayna ordusuna təxminən 2,5 milyard dollar dəyərində dəstək paketi təqdim etdiyini açıqlayıb.
O qeyd edib ki, Pentaqon Ukraynaya yüz minlərlə artilleriya mərmisi, minlərlə raket və yüzlərlə zirehli texnika çatdırır.
ABŞ Maliyyə Nazirliyi Ukraynaya birbaşa büdcə dəstəyi üçün 3,4 milyard dollar ayıracağını açıqlayıb. Bu, əlavə ayırmalar aktına əsasən son ödənişdir.
S.ELAY
XQ
