Türkiyə Suriyanın milli birliyinə, suverenliyinə və ərazi bütövlüyünə çox böyük önəm verir. İŞİD və PKK-nın bu prosesi məkrli məqsədlərlə istifadə etməməsi üçün çox diqqətlə hərəkət edirik. Amerikalı dostlarımızla təmasdayıq.

Bu fikirləri Türkiyənin xarici işlər naziri Hakan Fidan mətbuata açıqlamasında bildirib.

Suriya xalqının öz ölkələrinin gələcəyini yenidən formalaşdıracağını bildirən Fidan deyib: “Türkiyə Suriyanın suverenliyinə və ərazi bütövlüyünə önəm verir. Ölkələrini tərk etmək məcburiyyətində qalan milyonlarla suriyalı artıq geriyə qayıda bilərlər. Bölgədəki və bölgə xaricindəki bütün aktorların sakit şəkildə hərəkət etmələri tövsiyə olunur. Suriyanın ərazi bütövlüyü qorunmalıdır. İŞİD və PKK kimi terror təşkilatlarının bu prosesdən fayda əldə etməməsi üçün mübarizə aparmalıyıq. Suriyada yeni hökumət bütün tərəflərə uyğun şəkildə hərəkət etməlidir. Biz Suriyada sülhün təmin olunması üçün əlimizdən gələni edəcəyik. Regiondakı aktorlarla əməkdaşlığımızı davam etdirəcəyik”.

Bəşər Əsədin harada olması ilə bağlı hansısa şərh verə bilmədiyini, lakin ehtimal olunana görə Suriya xaricində olduğunu deyən nazir Türkiyə Prezidenti Rəcəb Tayyib Ərdoğanın son bir neçə ayda Əsədlə əlaqə qurmağa çalışdığını, lakin bu cəhdlərin nəticəsiz qaldığını xatırladıb. (AZƏRTAC)