Polşa və Almaniya bu ilin iyul ayına kimi Avropa İttifaqında çevik reaksiya qüvvələri formalaşdıracaq.
“İnterfaks” xəbər verir ki, bu barədə Polşanın milli müdafiə naziri Vladislav Kosiniyak-Kamış məlumat verib.
“Polşa və Almaniya Avropadakı çevik reaksiya qüvvələrinə görə məsuliyyəti öz üzərlərinə götürürlər”, -nazirliyin mətbuat xidməti nazirdən sitat gətirib.
“İyul ayından bizim döyüş qruplarımız, 2500 Polşa əsgəri və 2500 Alman əsgəri çevik cavab verməyə hazır olacaq. Kosinyak-Kamış əlavə edib ki, bunlar “Strateji Kompas”ın tapşırıqlarını yerinə yetirən qüvvələrdir.
Əlavə edək ki, Aİ 2022-ci ilin yazında “Strateji Kompas” adlı müdafiə strategiyasını təsdiqləyib. Onun əsas elementləri arasında Avropa İttifaqının bölgədəki müxtəlif böhran vəziyyətlərinə güc yolu ilə cavab verməyə hazır olan 5 minə qədər hərbçini tez bir zamanda yerləşdirmək imkanı var.
S.ELAY
XQ