Finlandiyanın daxili işlər naziri Mari Rantanen Yle-yə müsahibəsində Rusiya ilə sərhəddə keçid məntəqələrinin açılmasının hələ mümkün olmadığını bildirib.
Nazirin sözlərinə görə, Finlandiya hakimiyyətinin qərarı ilk növbədə milli və vətəndaş təhlükəsizliyinin gücləndirilməsinə yönəlib.
“Sərhədin o biri tərəfində öz saatını gözləyən xeyli insan var. Digər tərəfdən, Rusiyanın hərəkətlərinin dəyişməz qaldığı görünür. Dekabrda biz sərhədin açılmasının nə ilə nəticələndiyini gördük”, - Rantanen bildirib.
Nazir vurğulayıb ki, Finlandiya hakimiyyəti “təzyiqlərə boyun əyməyəcək” və sərhədlərin bağlanması lazım olduğu qədər davam edəcək.
Finlandiya hökumətinin şərq sərhədini bağlamaq əmri fevralın 11-dək qüvvədədir.
S.ELAY
XQ
