Birləşmiş etirazlar dalğası Almaniyanı vətəndaş müharibəsinə çəkə bilərmi?
“Die Welt” telekanalı xəbər verir ki, ölkəni iflic edə biləcək ümummilli tətillər AFR qanunlarına görə qadağandır. Ancaq bu yaxınlara qədər ayrı-ayrılıqda keçirilən etiraz nümayişləri birləşərsə məhz belə də olacaq. Hadisələr də elə buna doğru getməkdədir.
Almaniyanı bürüyən fermer etirazlarını indi təkcə kəndlilər deyil, uzaq yola çıxan sürücülər, restoran sahəsinin işçiləri və dəmiryolçular da dəstəkləyirlər. Çünki onların hamısı AFR-in “işıqfor” hökumətinin iqtisadi planlarından ziyan çəkirlər. Ölkənin politoloqları xəbərdarlıq edirlər ki, əsas ümummilli tətillər dalğası reallığa çevrilərsə, ölkə vətəndaş müharibəsi ilə üz-üzə qala bilər.
“Die Welt”in aparıcısı Markus Tıksen bildirir ki, bu gündən sonra ölkədə çox şeylər baş verə bilər, axı narazı olan təkcə fermerlər deyil. Qatarların maşinistləri, uzaq yola çıxan avtomobil sürücüləri, restoran sahibləri də artıq əzələlərini göstərmək istəyirlər və etirazlara qoşulacaqlar. Belə olarsa, Almaniya iflic olmaq həddinə çatacaqmı? Ölkədə buna bənzər tətillərə qanunla icazə verilmir. Yoxsa daha pis hadisələrin başvermə riski var?
Alman həmkarımızın narahatlığını başa düşmək çətin deyil. Yüzlərlə traktor hələ dekabr ayında Brandenburq qapılarının qarşısına toplaşaraq Berlinin “17 iyun” küçəsini iflic vəziyyətinə salmışdılar. Əlbəttə, bu ölkənin bir həftə sonra qarşılaşdığı traktor etirazlarının, olsa-olsa, ilk işartıları idi. Yanvarın 8-də traktorlu etiraçılar Almaniyanın bir çox meqapolislərində hərəkəti iflic etdilər. Bundan sonra bir sıra sahələr də artıq etiraz dalğasına qoşulmağa hazırlaşdılar. Ayrı-ayrı etirazlar artıq ölkəni iflic edə biləcək kütləvi hərəkata çevrilməkdədir. Xristian -Sosialist İttifaqında (XSİ) baş verənlərə görə “işıqfor” hökumətini günahkar hesab edirlər.
XSİ-nin Bundestaqdakı fraksiyasının rəhbəri Aleksandr Dobrindt bildirir ki, “işıqfor” Almaniyanı qarşıqlıqlara gətirib çıxardı. Biz bu ölkənin onillərlə görmədiyi qütbləşməsı şəraitində yaşayırıq. “İşıqfor” uçurumun kənarındadır, o iqtisadi inkişafı məhv etdi, enerji böhranına səbəb oldu, sadəcə miqrasiya böhranını və bir çox başqa problemləri həll etmədi ki, bunlar da cəmiyyəti qorxuya salır və etirazlara qaldırır”.
Aqrar sahənin insanları uzaq yola çıxanlardan dəstək alırlar. Federal hökumətin kəskin iqtisadi planlarına qarşı mübarizəyə qalxan isə təkcə onlar deyil. Əlavə gəlir vergisini 19 faizə qaldırandan sonra restoratorların da əhvalı kəskin korlanıb. Həftənin ortasında isə dəmir yolunun dayanacağı, qatarların maşinistlərinin uzunmüddətli əmək mübahisələrinə başlayacağı gözlənilir.
Almaniya Fermerləri Assosiasiyasının prezidenti Yoahim Rukvid bəyan edib ki, əgər hökumət iqtisadi planlarının üstündə durarsa, yanvar ayı çox isti keçəcək. Yanvarın 15-də assosiasiya Berlində növbəti böyük nümayişlərin təşkilini planlaşdırır. Bunun üçün ölkənin bütün fermerləri səfərbər edilib.
Alman politoloq Verner Patsel bildirir ki, əgər siyasətçilər əhalinin böyük bir hissəsinin nəyin doğru, nəyin doğru olmadığı ilə bağlı fikirlərinə qulaq asmasalar, o zaman etirazlar daha da artacaq. Ayrı-ayrı etirazlar isə sonradan birləşəcəksə, o zaman faktiki olaraq qanunla qadağan edilən ümummilli etiraz dalğası baş qaldıracaq. Belə olan halda Almaniya, demək olar ki, vətəndaş müharibəsi öncəsi mümkün olan ən gərgin vəziyyətlə qarşılaşacaq.
Çox da uzaq olmayan keçmişdə dünyanın aparıcı iqtisadiyyatları sırasında ilk üçlüyə daxil olan Almaniyanın bu gün belə bir vəziyyətə düşməsi təkcə bu ölkənin deyil, bütövlükdə, Avropada işlərin heç də yaxşı olmadığından xəbər verir.
Hazırladı:
İlqar
XQ
