Fransanın Cənubi Qafqaz regionunda fəaliyyətə marağı erməni diasporunun nüfuzu və amilindən qaynaqlanır ki, bu da hakimiyyətə təzyiq göstərir. “Caliber” xəbər verir ki, bu barədə alman politoloqu Aleksandr Rar erməni mediasına müsahibəsində bildirib.

O hesab edir ki, artıq müstəqil Fransa və ya müstəqil Almaniya siyasəti yoxdur: “Avropa ölkələri arasında müəyyən razılaşma var ki, geosiyasi məsələləri birgə həll etmək lazımdır. Qafqazda baş verənlər isə çox ciddi geosiyasi hadisədir”. 

Buna görə də Avropa ölkələri öz tələlərindədir, çünki onlar həmişə saatlarını əsas Aİ ölkələri ilə sinxronlaşdırmalıdırlar və bu, çox fərqli maraqlar olduğu üçün çətindir.

Alman politoloqu düşünür ki, ayıq Avropa köhnə dünyaya yeni kütləvi köçə səbəb olacaq ikinci qaynar nöqtəni istəmir. Ona görə də o, hər şeyi edəcək ki, Qafqazda Rusiya ilə Qərb arasında yeni qarşıdurma nöqtəsi mənasında ikinci Ukrayna olmasın.

“Əgər Avropa, həqiqətən də, müharibəni dayandırmaq və kompromis tapmaq istəsəydi, o zaman Aİ-nin yüksək rütbəli rəsmiləri Ermənistan və Azərbaycanla sərhədə gəlib bu münaqişəni dondurmaqdansa, həll etmək niyyətlərini nümayiş etdirə bilərdilər. Bu gün avropalılar Qafqazda nə edəcəklərini bilmirlər, onların konsepsiyası və resursları yoxdur. ABŞ-ın öz geosiyasəti var, lakin onlar anlayırlar ki, qüvvələri yalnız Ukraynaya kifayət edir. Bundan əlavə, onlar daima Çinə baxmağa məcbur olurlar”, - politoloq qeyd edib.

Rizvan FİKRƏTOĞLU

XQ