ABŞ Müdafiə Nazirliyi UNO-lar (uçan naməlum obyektlər) haqqında məlumatların və videoların yer aldığı internet saytı – “www.aaro.mil” açıb. Artıq hər kəs naməlum uçan obyektlər haqqındakı hesabatları oxuya biləcək.
Sözügedən internet saytında hazırda ABŞ ordusu və onun pilotları tərəfindən çəkilmiş səkkiz video var. Şəkillərdə səmada sürətlə hərəkət edən qəribə formalı cisimlər əks olunub. Həmçinin saytda ictimaiyyət üçün faydalı olacaq UNO hesabatları, transkriptlər, press-relizlər və digər resurslar (təyyarə, şar və peyk izləmə saytları) var.
Qeyd edək ki, 2022-ci ilin avqustuna kimi olan məlumata görə, son 17 ildə 500-dən çox UNO hadisəsi qeydə alınıb.
Aytən NƏCƏFOVA, XQ