Türk Ağsaqqalları İctimai Biriyi İdarə Heyətinin sədri, Missiya Media Qrupunun rəhbəri Ramin Əhmədovun “Azərbaycan-Özbəkistan münasibətlərinin inkişafında Heydər Əliyevin rolu” adlı məqaləsi Özbəkistanın “aniq.uz”, “fikr.uz” saytlarında yayımlanıb.
Adıçəkilən ölkənin özbək və rus dillərində fəaliyyət götərən iki elektron media orqanında işıq üzü görən məqalədə Özbəkistanın türk dünyasındakı yerindən və ümummilli lider Heydər Əliyevin ölkələrimiz arasındakı münasibələrin inkişafı ilə bağlı gördüyü işlərdən bəhs edilir.
Məqalədə eyni zamanda ulu öndərin müəyyənləşdirdiyi siyasi kursun bu gün Prezident İlham Əliyev tərəfindən uğurla davam etdirildiyi önə çəkilir. Bildirilir ki, Prezidentin uğuru diplomatik fəaliyyəti nəticəsində Özbəkistanla münasibətlərimiz daha da inkişaf edib.
Yazıda həmçinin Azərbaycan Respublikasının Birinci vitse-prezidenti Mehriban xanım Əliyevanın Azərbaycanın xarici ölkələrlə əlaqələrinin inkişafında oynadığı rolun əhəmiyyəti vurğulanır. Mehriban xanım Əliyevanın 2022-ci ilin noyabr ayında Özbəkistana səfər çərçivəsində Səmərqənddə Özbəkistan Respublikasının birinci xanımı Ziroatxon Mirziyoyeva ilə görüşündən və digər addımlarından bəhs edilir.
Həmçinin, yazıda Özbəkistandakı Heydər Əliyev adına Azərbaycan Mədəniyyət Mərkəzinin iki ölkə arasında əlaqələrin inkişafı ilə bağlı fəaliyyəti öz əksini tapır.
Özbək və rus dillərində yayımlanan məqaləyə bu linklər vasitəsilə daxil olmaq mümkündür: https://aniq.uz/yangiliklar/ozarbayjon-uzbekiston-munosabatlarining-mustahkamlanishida-haydar-alievning-roli-qanday?fbclid=IwAR2LtjWr-zLc9N7j4Oj1u-g0kNJV2rAyoqtF2uylgJlQJ1tTZintdTecxSU
https://fikr.uz/blog/ziyonet_simpozium/rol-gejdara-alieva-v-razvitii-azerbajdzhano-uzbekskih-otnoshenij.html?fbclid=IwAR0McmVwnnnG-M_t4aSLiZHTAwCm4XceILW0fjnb-tagKz40RxGG6YM6nF4
Anar ƏLİ,
“Xalq qəzeti”