Alimlər Qvatemala ərazisində, təxminən, eramızdan min il əvvələ aid 417 qədim Mayya şəhəri aşkar ediblər.
Bu barədə ABŞ–Qvatemala birgə arxeoloji ekspedisiyasının tədqiqatçıları “The Washington Post” qəzetinə müsahibə veriblər. Məlumatda bildirilir ki, “magistral yollar” şəbəkəsi ilə birləşən şəhərlərin uzunluğu 177 kilometr (109,9 mil) təşkil edir.
2015-ci ildən bəri bu layihə üzərində işləyən heyət şəhərlərə məxsus ən kiçik detalları belə aşkar etmək üçün arxeoloji lazer xəritələşdirmədə əhəmiyyətli vasitə olan “lidar” texnologiyasından istifadə ediblər.
Araşdırmaya görə, bu texnologiya alimlərə qədim bəndləri, su anbarlarını, piramidaları, platformaları, yol şəbəkələrini və hətta top meydançalarını belə görməyə imkan verir.
Qeyd olunur ki, layihədə növbəti addım Misir piramidalarına bənzər digər sirli piramidaları aşkar etməkdir.
