Paytaxt şəhidləri dərin ehtiramla yad etdi

27 Sentyabr – Anım Günündə paytaxtın bütün qurumlarında – nazirliklərdə, idarə və müəssisələrdə, təhsil və mədəniyyət ocaqlarında Vətənin azadlığı və ərazi bütövlüyü uğrunda qurban getmiş şəhidlərin xatirəsi ehtiramla yad edilib. Keçirilən toplantılarda və şəhid məzarlarının ziyarəti mərasimlərində tarixi Zəfərlə bitən Vətən müharibəsinin qəhrəmanlıq tariximizdə ən şərəfli və mükəmməl savaş olduğu vurğulanıb.

Yeni Azərbaycan Partiyası

Anım Günündə Yeni Azərbaycan Partiyasının (YAP) Mərkəzi Aparatının məsul əməkdaşları, Gənclər Birliyinin üzvləri, partiyanın Bakı şəhəri üzrə ra­yon təşkilatlarının nümayəndələri Bakı­da inşası davam etdirilən Zəfər parkın­da olublar.

Saat 12:00-da Azərbaycanın müstəqilliyi və ərazi bütövlüyü uğrun­da canlarını qurban vermiş şəhidləri­mizin əziz xatirəsi bir dəqiqəlik sükutla yad olunub. Sonra YAP nümayəndələri Zəfər parkının girişində xatirə daşının önünə gül dəstələri düzüb, qəhrəman Vətən övladlarını dərin hörmət və ehti­ramla anıblar.

Müdafiə Nazirliyi

Anım Günü ilə əlaqədar Azərbay­can Ordusunun birlik, birləşmə və hərbi hissələrində, eləcə də xüsusi təyinatlı təhsil müəssisələrində silsilə tədbirlər keçirilib.

Nazirliyin şəxsi heyətləri şəhidlər xi­yabanlarını ziyarət ediblər. 

Tədbirlər çərçivəsində ictimai-si­yasi hazırlıq dərsləri, dəyirmi masalar, konfranslar təşkil olunub, Vətən mü­haribəsinə həsr olunan sənədli filmlər və videoçarxlar nümayiş etdirilib. Çıxış edənlər Müzəffər Ali Baş Komandanın rəhbərliyi ilə rəşadətli Azərbaycan Or­dusunun qazandığı şanlı qələbənin ta­rixi əhəmiyyətindən, xalqımızın qələbə­dəki rolundan, qəhrəman oğullarımızın igidlik və şücaət nümunələrindən, eləcə də şəhidlərimizin əziz xatirələrindən da­nışıblar.

Anım Günü münasibətilə müdafiə naziri general-polkovnik Zakir Həsə­nov və nazirliyin digər rəhbər heyəti İkinci Şəhidlər xiyabanını ziyarət edib­lər. Azərbaycanın müstəqilliyi və ərazi bütövlüyünün təmin olunması uğrunda şəhid olan Vətən övladlarının xatirəsi bir dəqiqəlik sükutla yad edilib, ruhla­rına dualar oxunub, məzarları ziyarət edilərək üzərlərinə gül dəstələri dü­zülüb. Nazir Zakir Həsənov və nazirli­yin digər rəhbər heyəti şəhidlərin ailə üzvləri və yaxınları ilə görüşüb, onların qayğıları ilə maraqlanıblar.

Həmin gün müdafiə naziri gene­ral-polkovnik Zakir Həsənov və nazir­liyin digər rəhbər heyəti Bakıda inşası davam etdirilən Zəfər parkında olublar. Nazirliyin rəhbərliyi və bir qrup şəxsi heyəti parkın girişindəki xatirə daşının üzərinə gül dəstələri qoyublar.

Daxili İşlər Nazirliyi

Daxili İşlər Nazirliyi Anım Günü mü­nasibətilə Azərbaycan Dövlət Akade­mik Musiqili Teatrında mərasim keçirib.

Daxili işlər nazirinin müavini polis general-leytenantı İsmət Əliyev Müzəf­fər Ali Baş Komandan İlham Əliyevin vahid komandanlığı altında dəmir yum­ruq kimi birləşən Silahlı Qüvvələrimiz, o cümlədən Daxili İşlər Nazirliyinin hərbi qulluqçularının və polis əməkdaşlarının Vətən müharibəsində, o cümlədən cari ilin 19–20 sentyabr tarixlərində Qara­bağ ərazisində keçirilən lokal xarakterli antiterror tədbirləri zamanı şərəfli dö­yüş yolu keçdiyini vurğulayıb.

Mərasimdə şəxsi heyətin Murov­dağdan Şuşaya qədər gedən döyüşlər­də iştirak etdiyini qeyd edən məruzəçi torpaqların azad olunması zamanı 66 nəfərin şəhidlik zirvəsinə ucaldığını, 346 nəfərin yaralandığını, 4 nəfərin “Vətən Müharibəsi Qəhrəmanı” adına layiq görüldüyünü, minlərlə əməkdaşın isə orden və medallarla təltif olunduğu qeyd edilib. Diqqətə çatdırılıb ki, ölkə baçısının xüsusi diqqət və qayğısı ilə əhatə olunmuş hərbi qulluqçularımız və polis əməkdaşları bilik və bacarıqla­rını, peşəkarlıqlarını artırmaqla onlara göstərilən bu etimadı doğrultmaq üçün səy və bacarıqlarını əsirgəmirlər.

Ədliyyə Nazirliyi

Anım Günü ilə bağlı Ədliyyə Nazir­liyində və struktur qurumlarda tədbirlər keçirilib. Ədliyyə naziri Fikrət Məmmə­dov və nazirliyin rəhbər heyəti Bakıda inşası davam etdirilən Zəfər parkında olub, parkın girişində xatirə daşının önünə gül dəstələri qoyublar.

İkinci Fəxri xiyabanda torpaqlarımı­zın azadlığı və suverenliyi uğrunda şə­hid olmuş qəhrəmanlarımızın məzarları ziyarət olunaraq üzərinə tər çiçəklər dü­zülüb, o cümlədən şəhid ədliyyə işçisi Ruhin Xəlilovun xatirəsi anılıb, nazirlik­dəki barelyefi önünə gül səbəti qoyulub.

Tədbirdə qürur mənbəyimiz olan qəhrəman şəhidlərimizin əziz xatirəsi bir dəqiqəlik sükutla yad edilərək onla­rın xalqımızın qəlbində əbədi yaşaya­cağı bildirilib.

Dövlət Sərhəd Xidməti

Anım Günü münasibətilə Dövlət Sərhəd Xidmətinin rəhbər heyəti əv­vəlcə İkinci Fəxri xiyabanı, sonra Hərbi Qənimətlər Parkını ziyarət edib.

Ölkəmizin ərazi bütövlüyünün bər­pası, torpaqlarımızın işğaldan azadlığı uğrunda şəhadətə qovuşan Vətən öv­ladlarının əziz xatirəsi ehtiramla yad edilib, məzarları üzərinə gül dəstələri düzülüb. DSX aparatında keçirilən təd­birdə tariximizin ən böyük sərkərdəsi, Prezident, Silahlı Qüvvələrin Müzəffər Ali Baş Komandanı İlham Əliyevin rəh­bərliyi ilə “Dəmir yumruq” əməliyyatı nəticəsində 30 illik işğala son qoyularaq ərazi bütövlüyümüzün bərpa olunduğu, 44 gün davam edən Vətən müharibəsi­nin xalqımızın parlaq Qələbəsi ilə başa çatdığı, tarixi Zəfərimizin təmin edildiyi vurğulanıb. 

Mərasimdə torpaqlarımızın azad edilməsi uğrunda aparılan haqq sava­şında Silahlı Qüvvələrin, o cümlədən Dövlət Sərhəd Xidmətinin şəxsi heyəti arasında şəhidlik zirvəsinə yüksələn hərbçilərin fədakarlığının yaddaşlardan silinməyəcəyi, onların gələcək nəsillərə qoyduğu qəhrəmanlıq mirasının daim uca tutulacağı bildirilib.

Dövlət Təhlükəsizliyi Xidməti

Anım Günü ilə bağlı Bakı Bələdiyyə Teatrı Dövlət Təhlükəsizliyi Xidmətinin Mədəniyyət Mərkəzində “Unutqanlıq qorxunc bəladır” adlı tamaşa səhnələş­dirib.

DTX-nin əməkdaşlarının, ictimaiyyət nümayəndələrinin iştirak etdiyi tədbirdə nümayiş etdirilən, Azərbaycan xalqının məruz qaldığı soyqırımı və digər faciəvi hadisələrdən bəhs edən tamaşa qonaq­ların böyük marağına səbəb olub.

SHXÇDX 

Səfərbərlik və Hərbi Xidmətə Çağı­rış üzrə Dövlət Xidmətinin rəisi Mürsəl İbrahimov və xidmətin rəhbər heyəti də İkinci Şəhidlər xiyabanını ziyarət ediblər. Vətən övladlarının xatirəsi anılıb, məzar­ları üzərinə gül dəstələri düzülüb və şə­hid ailələrinə dərin ehtiram ifadə edilib.

Konstitusiya Məhkəməsi

Dünən Konstitusiya Məhkəməsinin hakimləri və aparatın məsul əməkdaş­ları Hərbi Qənimətlər Parkını ziyarət ediblər. Sonra Anım Günü ilə bağlı təd­bir keçirilib.

Konstitusiya Məhkəməsinin sədri Fərhad Abdullayev diqqətə çatdırıb ki, 2020-ci il sentyabrın 27-də Ermənistan silahlı qüvvələrinin Azərbaycana növ­bəti dəfə təxribatının qarşısının alınma­sı məqsədilə Ali Baş Komandan İlham Əliyevin başçılığı ilə müzəffər Ordumu­zun əks-hücum əməliyyatı nəticəsində uzun illər düşmən işğalı altında olan torpaqlarımız azad edilib. 44 gün ərzin­də Qələbə qazanmağımız ilk öncə Pre­zident İlham Əliyev tərəfindən həyata keçirilən məqsədyönlü siyasət, Azər­baycan Ordusunun Vətənə məhəbbə­ti və xalqımızın “Dəmir yumruq” kimi Müzəffər Ali Baş Komandanın ətrafında birləşməsinin nəticəsi idi. 

Azərbaycan Respublikasının Kons­titusiyasının hüquqi qüvvəsinin bugün­lərdə Qarabağda da bərpa olunma­sının ulu öndər Heydər Əliyevin 100 illiyinə təsadüf olması isə rəmzi xarak­ter daşıyır.

AMEA

AMEA Rəyasət Heyəti və Tarix İns­titutunun birgə təşkilatçılığı ilə Anım Günü münasibətilə “Böyük zəfərdən tam və qəti qələbəyədək” adlı elmi kon­frans keçirilib.

AMEA-nın vitse-prezidenti vəzifəsi­ni icra edən, Şərqşünaslıq İnstitutunun baş direktoru akademik Gövhər Baxşə­liyeva Müzəffər Ali Baş Komandan İlham Əliyevin rəhbərliyi, Şanlı Ordu­muzun rəşadəti, xalq və dövlətin birliyi ilə 2020-ci ilin 27 sentyabrında başla­yan və 44 gün davam edən İkinci Qa­rabağ müharibəsində qazanılan zəfərin Azərbaycan tarixinin ən parlaq səhifələ­rindən biri olduğunu söyləyib. Bildirib ki, bu Qələbə xalqımızın və ordumuzun gücünü, birliyini, mübarizliyini bütün dünyaya sübut edib. Azərbaycan xalqı hər zaman qəhrəman övladlarının xid­mətlərini yüksək qiymətləndirir, bütün şəhidlərimizin ruhuna hörmət və ehti­ram göstərir, əziz xatirəsini uca tutur.

Ədəbiyyat Muzeyi

Dünən Mədəniyyət Nazirliyi Nizami Gəncəvi adına Milli Azərbaycan Ədə­biyyatı Muzeyində Anım Günü ilə bağlı tədbir keçirilib. 

Muzeyin direktoru, akademik Ra­fael Hüseynov bildirib ki, Azərbaycan təqvimində bu gün şəhidlərimizin anma günüdür. Respublikamızın dörd bir ya­nında İkinci Qarabağ müharibəsində şəhid olanların xatirəsi yad edilir. Na­tiq diqqətə çatdırıb ki, 2020-ci ilin sent­yabrın 27-də başlayan 44 günlük Vətən müharibəsi ermənilərin 30 ilə yaxın işğal altında saxladığı torpaqlarımızın azad edilməsi ilə başa çatdı. Bu Zəfər savaşında minlərlə əsgər və zabitimiz qəhrəmancasına şəhidlik zirvəsinə ucaldı. Xalqımız həmişə öz qəhrəman oğulları ilə fəxr edir.

Mərkəzi kitabxana

Azərbaycan Milli Kitabxanasında da 27 Sentyabr Anım Günü ilə bağlı məra­sim keçirilib.

Kitabxananın direktoru, professor Kərim Tahirov üç il əvvəl sentyabrın 27-də Prezident, Müzəffər Ali Baş Ko­mandan İlham Əliyevin rəhbərliyi ilə başlayan və 44 gün davam edən Vətən müharibəsində igid, cəsur, qəhrəman oğullarımızın ayağa qalxaraq, canı, qanı bahasına torpaqlarımız uğrunda gedən haqq mübarizəsindən danışıb.

Kərim Tahirov Vətən müharibəsin­də savaşımızda çoxsaylı şəhidlər veril­diyini, bu günümüzə görə onlara borclu olduğumuzu, yüz illər keçsə də, Azər­baycan xalqının heç vaxt öz şəhidlərini unutmayacağını, onların xatirələrinin ehtiramla yad ediləcəyini, onlar haqqın­da yazılan kitabları təbliğ etməyin Milli Kitabxananın vəzifəsi olduğunu söylə­yib.

Ali məktəblər

Bakı Dövlət Universitetinin kollektivi 27 Sentyabr – Anım Günü ilə əlaqədar Fəxri xiyabanı və Şəhidlər xiyabanını ziyarət edib.

Ali məktəbin kollektivi Ulu Öndər Heydər Əliyevin, ölkəmizin ərazi bütöv­lüyü uğrunda şəhid olmuş qəhrəman Vətən övladlarının xatirəsini ehtiramla anaraq, məzarları üzərinə əklil və gül dəstələri qoyub. BDU-nun 2 saylı tədris binasının qarşısında şəhidlərin xatirə­sinə ucaldılmış abidənin önünə də gül dəstələri düzülüb, şəhidlərin əziz xatirə­si ehtiramla yad edilib.

BDU-da Anım Gününə həsr olun­muş xüsusi dərslər keçirilib. Elmi Kitab-xana “27 Sentyabr - Anım Günü” adlı kitab sərgisi təşkil edib.

***

Anım Günündə Azərbaycan Dövlət İqtisad Universitetinin kollektivi Vətən uğrunda canlarını fəda edərək şəhidlik zirvəsinə ucalmış məzun və tələbələ­rinin məzarlarını ziyarət edib, onların ailələrinə baş çəkib.

Rektor Ədalət Muradov və uni­versitetin müəllim-tələbə heyəti Bakı şəhəri, II Fəxri xiyabanda şəhid Əsəd Əsədlinin, Ülvi Hacıyevin, Mixail Həmi­dovun və Teymur Məcidzadənin məza­rı önünə əklil və gül dəstələri düzərək, onların əziz xatirələrini dərin ehtiramla yad ediblər. Bakı, Abşeron, Sumqayıt, Ağdaş, Sabirabad, İsmayıllı, Qəbələ, Biləsuvar, Qax, Ağstafa və Gədəbəyə ezam olunan fakültə və struktur rəh­bərləri, tələbə təşkilatlarının sədrləri, müəllim və tələbələr şəhid məzarlarını ziyarət ediblər.

Anım Günü münasibətilə UNEC-in 47 şəhid məzun və tələbəsinin xatirə­sinə ucaldılan Memorial-Xatirə Komp­leksi də ziyarət olunub. Abidə komplek­sinin önünə əklil qoyularaq, şəhidlərin əziz xatirəsi anılıb.

***

Anım Günü münasibətilə Azərbay­can Dövlət Pedaqoji Universitetinin rektoru, professor Cəfər Cəfərov və universitetin müvafiq struktur rəhbərlə­ri Bakıda inşası davam etdirilən Zəfər parkını ziyarət ediblər.

Universitet kollektivi parkın girişində xatirə daşının önünə gül dəstələri qo­yub, ölkəmizin ərazi bütövlüyü uğrunda canlarını fəda etmiş şəhidlərimizin əziz xatirəsini ehtiramla yad edib.

***

Azərbaycan Memarlıq və İnşaat Universitetində (AzMİU) 27 Sentyabr – Anım Günü münasibətilə tədbir keçi­rilib.

Şəhid məzun və tələbələrinin xatirə­sinə ucaldılan Memorial-Xatirə Komp­leksinin önündə keçirilən anım tədbi­rində şəhid ailələri, qazilər, müharibə iştirakçıları, universitet rəhbərliyi, müəl­limlər və tələbələr iştirak ediblər. Rek­tor Gülçöhrə Məmmədova Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə müzəffər Ordumuzun 44 günlük Vətən müharibəsində əldə etdiyi Qələbədən danışıb.

***

Azərbaycan Texniki Universitetində də Anım Gününə həsr olunan tədbir keçirilib.

İştirakçılar əvvəlcə universitetin Şəhidlər abidəsinin qarşısında tor­paqlarımızın ərazi bütövlüyü uğrunda canlarından keçən şəhidlərimizin əziz xatirəsini anıblar.Mərasimdə AzTU-nun rektoru Vilayət Vəliyev, Milli Məclisin deputatı, tarix elmləri doktoru professor Anar İsgəndərov, Gənclər Fondunun icraçı direktorunun müavini Orxan Ərə­bov, “Böyük Qayıdış” Gənclər Təşkila­tının sədri Nail Şükürov, bu təşkilatın idarə heyətinin üzvü Əhliyyət Mehdiyev, Vətən müharibəsi iştirakçısı Elşad Təh­məzov və digər şəxslər çıxış ediblər.

***

Azərbaycan Dillər Universitetində Anım Günü ilə bağlı tədbir keçirilib. Mərasimdə universitetin əməkdaşları, müəllimlər və tələbələr iştirak ediblər.

Rektor Kamal Abdulla 27 Sentyab­rın Azərbaycan tarixinə qızıl hərflərlə həkk olunduğunu deyib: “Bu gün Azər­baycan öz ərazi bütövlüyünü tam ola­raq bərpa edib. Bu, böyük tarixi uğur­dur və gələcəkdə Azərbaycanın daha parlaq və işıqlı bir dövlət kimi mövcud­luğunun təminatçısıdır. Bu tarixi hadisə dünya xalqlarına çatdırılması və Azər­baycanın haqq işinin hər kəsə məlum olması baxımından önəmlidir. Biz şə­hidlərimizə, qazilərimizə borcluyuq. Bu borcu öz işimizdə, layiqli xidmətimizlə göstərməliyik. İnanıram ki, hər birimiz bu böyük arixi günün əhəmiyyətini və məsuliyyətini dərk edib Azərbaycanın daha da inkişaf etməyinə təkan verə­cəyik”. 

Bakı Şəhəri üzrə Təhsil İdarəsi

Azərbaycanın Milli Qəhrəmanı, şə­hid general-mayor Polad Həşimovun həyat yoldaşı, BŞTİ-nin əməkdaşı Ofel­ya Salmanova Anım Günü ilə əlaqədar paytaxtın bir sıra ümumi təhsil müəs­sisələrində olub, Vətən müharibəsi şə­hidlərinin ailə üzvləri ilə görüşüblər

Görüş iştirakçıları öncə təhsil müəs­sisələrində şəhidlərin xatirəsinə yara­dılmış guşələri ziyarət edib, önünə tər çiçəklər düzüblər.

Paytaxtdakı 226 nömrəli tam orta məktəbdə şəhid anası, təhsil müəs­sisəsinin direktoru Arzu Məmmədova ilə görüşən M.Vəliyeva 27 sentyabrın Azərbaycanın müasir tarixindəki rolun­dan danışıb. Bildirib ki, bu tarix nəinki 30 illik işğala son qoyulduğu, eyni za­manda, ermənilərin xalqımıza qarşı ta­rixi düşmənçilik siyasətinə layiqli cava­bın verildiyi gündür. 

Bakı Metropoliteni

Bakı metropolitenində iş günü şə­hidlərimizin xatirəsinin anım mərasimi ilə başlanıb. 

“Nərimanov” elektrik deposunda “Bakı Metropoliteni” QSC-nin rəhbər­liyi və kollektivinin nümayəndələri 20 Yanvar və Vətən müharibəsinin metro­politençi şəhidlərinin abidəsini ziyarət ediblər. Mərasimdə 2020-ci il sentyab­rın 27-də Ermənistanın silahlı qüvvələ­rinin beynəlxalq hüquq normalarını kobud surətdə pozaraq, müxtəlif növ silahlardan istifadə etməklə yaşayış məntəqələrini və hərbi mövqeləri atəşə tutmasına cavab olaraq, hücumların qarşısının alınması məqsədilə əks-hü­cum əməliyyatlarının başlanması və bunun nəticəsində cəmi 44 gün ərzində torpaqlarımızın işğaldan azad edilməsi qeyd olunub.

Hazırladı:
T.RÜSTƏMLİ
XQ