Nakam şair Murad Nağıyev
Haqqında söhbət açmaq istədiyimiz şəhid leytenant Murad Mayıl oğlu Nağıyev Qazax rayonunda doğulub. O, Bakının Bakıxanov qәsәbәsindәki 271 saylı nömrәli mәktәbdә 8-ci sinfibitirdikdәn sonra, 2011-ci ildә Cәmşid Naxçıvanski adına Hәrbi Liseyә qәbul imtahanlarında iştirak edib, yüksәk nәticә göstәrdiyinә görә Türkiyәnin Kuleli Hәrbi Liseyinә seçilib. 2015-ci ildә Türkiyәdә Kara Harp Okuluna daxil olub. 2016-cı ildә tәhsilini Heydәr Əliyev adına Ali Hәrbi Akademiyada davam etdirib. Müxtəlif yerlərdə hərbi təlimlərdə və toplantılarda fərqlənib. 2020-ci ildә Bakı yaxınlığında yerlәşәn “N” saylı hәrbi hissәyә tәyinat alıb.
Leytenant rütbәsi ilәtank taborunda taqım komandiri, tank komandiri kimi xidmәtini davam etdirib. Vətən müharibəsi başlanan ilk gündən ön cəbhəyə yollanıb. Murad Nağıyev tank komandiri olaraq Kәnd Horadizin alınmasında şücaәt göstәrib, Füzuli, Cәbrayıl, Zәngilan və Hadrut istiqamәtlәrindәki döyüşlәrdәdüşmәnin xeyli sayda strateji obyektini, zirehli texnikasını vә50-yәyaxın şәxsi heyәtini mәhv edib, hərbi texnikasını qәnimәt götürüb. Əsgər yoldaşları deyir ki, Murad həmişə özünü qabağa atıb. O, sürdüyü tankı heç kimə verməyib.
Ailədə üç qardaşdan ən kiçiyi olan Murad yumruq boyda ürəyinə Vətən boyda sevgi sığdırıb. Son sözlərini qardaşı Orxana yazıb: “Qardaşım, mən gedirəm, haqqınızı halal edin. İnşallah, görüşərik, öpürəm hamınızı”.
Oktyabrın 11-dәCәbrayıl ərazisindəki döyüş zamanı düşmәnin uzaqdan idarәolunan tank әleyhinәraket zәrbәsi nәticәsindәşәhid olub. Oktyabrın 20-dәBakıdakı İkinci Fәxri xiyabanda dәfn olunub. 3-cü dərəcəli “Vətənə xidmətə görə” ordeni, “Vәtәn uğrunda” vә“Cәbrayılın azad olunmasına görә” medallarına layiq görülüb.
Anası Xavər Məmmədli Murad üçün çox darıxdığını söyləyir:
– Murad Türkiyəyə gedəndən sonra üzünü çox az gördük. Balamdan doymadım ki… Burada iki ay xidmət etmişdi ki, müharibə başladı. Şəhidliyinə bir gün qalmış qardaşı ilə danışıb, arzularını dilə gətirib. Sevdiyi qız vardı, onunla ailə qurmaq istəyirdi. Oğlum sanki qayıtmayacağını hiss edirdi. Hər sözünün sonunda “əgər qayıda bilsəm…” – deyirdi. Yolunu çox gözlədik, amma qayıtmadı”.
Murad uşaq yaşlarından riyaziyyata və incәsәnәtәmaraq göstәrib, müxtәlif musiqi alәtlәrindәifa etmәyi öyrәnib. Üstün zəkasına və yüksək riyazi nəticələr göstərdiyinə görə hərbi liseydəki müəllimləri ona “riyaziyyat dahisi” deyirmişlər. Ancaq Murad poeziyaya daha çox könül verib, Azərbaycan və türkcәşeirlәr yazıb. Qələm təcrübələri müxtəlif ədəbiyyat çevrələrində bəyənilib və “Kardeş Kalemler” jurnalında, həmçinin “Ədəbiyyat qəzeti”ndə dərc olunub.
2021-ci ildə şair Barat Vüsal şəhid leytenantın xatirəsinə “Muradım mənim” adlı şeirinin qələmə alıb. Ötən ilin yazında Murad Nağıyevin şərəfli həyatından və şanlı döyüş yolundan bəhs edən, onun şeirlərinin də daxil edildiyi “Murad” adlı kitab işıq üzü görüb. Şəhidin “Fikrim hey ondadır” şeirinə bəstələnən musiqi səsləndirildikdən sonra təhsil aldığı məktəbin şagirdləri onun şeirlərini söyləyiblər.
Muradına yetməyən, dünyadan vaxtsız köçən Murad Nağıyevin həyat yolunu onun öz gözlərinin “pəncərə” sindən seyr edən Kamran Ağabalayevin nakam şairin şeirlərini səsləndirdiyi, “Qayıtsaydım” sənədli filmi isə 2022-ci ilin oktyabr ayında paytaxtın Park Cinema Alov Qüllələri kinoteatrında nümayiş olunub. Bu təsirli filmin çəkilişləri Bakı, Şuşa, İstanbul və İzmir şəhərlərində həyata keçirilib. Muradın türk ləhcəsində yazdığı şeirlərdən birini təqdim edirik.
İSTANBUL VE HAYAT
Yeni bir gün başlat hayatta.
Sabah güneş kendini göstermeye başlar,
Sonsuz ufuklarda.
İlk ışıklar akseder deniz üstünde.
Öylece izlemeye başlarsın güneşin doğuşunu,
Sonra dayanamazsın bu güzellik karşısında,
İçini bir ferahlık kaplar.
Yüzün güler, hayran kalırsın bu eşsizliğe.
Her şey uçuverir aklından,
Kilitlenip kalırsın bu manzaraya,
Ama uzun sürmez bu güzellik,
Hayat gibi güzel görünür ilk başta.
Ve bitti artık bu doyumsuz güzellik,
Acı vermeye başlamıştır çok sevdiğin ışıklar.
Gözlerin kamaşır, dayanamazsın, bakamazsın,
Sonra yüzün yanmaya başlar.
Bir tokat yemiş gibi yüzün yanar,
Evet bir tokat, hayattan yediğin bir tokat.
Ne tuhaf değil mi?
İlk önce aldanıp sonra yanmak.
Murad NAĞIYEV
Əli NƏCƏFXANLI,
AYB-nin üzvü