Bakıda keçirilən taekvondo üzrə 26-cı dünya çempionatında mübarizəyə 1/64 final mərhələsindən başlayan həmyerlimiz Xanoğlan Kərimov ilk qələbəsini qazanıb.
63 kiloqram çəki dərəcəsində dayanq üzərinə çıxan Azərbaycan taekvondoçusu dünya çempionatına Portuqaliya idmançısı Alfredo Martinsi məğlub edərək 1/32 final mərhələsinə yüksəlib.
Qeyd edək ki, qarşılaşma Xanoğlan Kərimovun 2:0 hesablı qələbəsi ilə yekunlaşıb. Hər iki görüşdə rəqibdən üstün olan həmyerlimizin günün ikinci görüşündəki rəqibi Səudiyyə Ərəbistanı təmsilçisi Zakariya Muhammed Qalini olacaq.
Qeyd edək ki, dünya çempionatı iyunun 4-də başa çatacaq.
Elçin ABBASOV,
"Xalq qəzeti"
