İqtisadi İslahatların Təhlili və Kommunikasiya Mərkəzi (İİT­KM) və "Azexport.az" portalının təşəbbüsü ilə könüllü tələbələr üçün “yaşıl söhbətlər” layihəsinin reallaşdırılmasına başlanılıb. Bu barədə İİTKM məlumat yayıb. 

“Azexport.az” portalının rəhbəri Ayxan Qədəşov “Yaşıl” iqtisadiyyatın inkişafında elektron kommersiyanın rolu” məruzəsini təqdim edib. Qeyd edilib ki, gənc nəsil “yaşıl” iqtisadiyyat konsepsiyasından xə­bərdar olmalı, resursların səmərəli idarə olunmasının, ekoloji cəhətdən təmiz və müasir texnologiyalardan istifadənin əhəmiyyətini anlamalıdır. Eyni zamanda elektron ticarətin “yaşıl” iqtisadiyyat pro­seslərinə imkan yarada biləcəyi vurğula­nıb. 

Könüllü tələbələrlə keçirilən görüş za­manı rəqəmsal ödənişlərin üstünlükləri və rəqəmsal özünüməşğulluq perspektivləri müzakirə olunub. Bundan əlavə, təlim­də “Amazon”, “eBay”, “Alibaba” və digər böyük platformalarda satışların əsasları öyrənilib.

Qeyd edək ki, “Yaşıl söhbətlər” layihə­si ölkədə “yaşıl” düşüncənin formalaş­masını dəstəkləmək məqsədi daşıyır. Bu layihə 2024-cü il üzrə elan edilmiş “Yaşıl dünya naminə həmrəylik” konsepsiyasına cavab verir.

XQ