Böyük Britaniya mediasının yaydığı məlumata görə, Sarah Mullalli çərşənbə günündən etibarən İngiltərə Kilsəsinin ilk qadın Kenterberi arxiyepiskopu kimi vəzifənin icrasına başlayacaq. O, 85 milyon üzvü olan Anqlikan Birliyini birləşdirmək kimi çətin missiya ilə üz-üzə gəlir.
Təntənəli mərasim Kenterberi Kafedralində keçiriləcək və tədbirdə 2000 qonaq, o cümlədən Şahzadə Uilyam, Keyt və Baş nazir Kir Starmer iştirak edəcəklər.
Xatırladaq ki, Kenterberi Arxiyepiskopu postu – yüksək maaş, böyük siyasi nüfuz, geniş səlahiyyətlər və dəbdəbəli iqamətgah təklif edir. Tarix boyu bu posta Müqəddəs Avqustin, Tomas Beket, Tomas Kranmer və Balduin Ford kimi məşhur dini liderlər başçılıq ediblər. Amma indi vəziyyət dəyişib: səkkiz ay idi ki, bu prestijli kreslo boş qalmışdı.
