Rusiyanın Kaluqa vilayətində Mi-28 helikopteri planlı uçuş yerinə yetirərkən qəzaya uğrayıb. Təyyarənin ekipajı həlak olub. Bu barədə iyulun 25-də Rusiya Müdafiə Nazirliyinə istinadən “İzvestiya.ru” məlumat yayıb.
Məlumata görə, helikopter Klenki kəndi yaxınlığındakı meşəyə düşüb.
“Kaluqa vilayətində Mi-28 helikopteri planlı uçuş zamanı qəzaya uğrayıb. Helikopter boş əraziyə düşüb. Nəticədə heç bir dağıntı olmayıb. Ekipaj həlak olub”, - nazirliyin TASS-a istinadən verdiyi məlumatda deyilir.
Müdafiə Nazirliyi qəzanın ilkin səbəbi kimi texniki nasazlığı göstərib.
Qəza yerində əməliyyat qrupu və xilasedicilər işləyir.
Kaluqa vilayətində Mi-28 helikopterinin qəzaya uğraması həmin gün səhər saatlarında məlum olub. Bu barədə vilayətin qubernatoru Vladislav Şapşa məlumat verib.
P.ƏMİRCANOV
XQ
.jpg)
.jpg)
