Türkiyənin Milli Müdafiə naziri Yaşar Gülər CNN Türk-ün proqramında gündəmlə bağlı sualları cavablandırıb. Məlumatı “Anadolu” verib.
Nazir deyib: “Biz terrorizmlə mübarizə prinsiplərini dəyişmişik. Biz terroru mənbəyində məhv etmək strategiyasını izləyirik”.
İraqın Türkiyənin tarixi qonşusu olduğunu və yaxşı münasibətlər saxlamaq istədiklərini bildirən Gülər PKK-nın Şimali İraqda məskunlaşdığını və uzun illərdir orada fəaliyyət göstərdiyini bildirib.
“Ona görə də biz terroru mənbəyində məhv edəcəyik. Biz ara-sıra əməliyyatlara son qoyduq və daimi əməliyyatlar aparacağımızı bildirdik”, - deyə nazir bildirib.
Onun sözlərinə görə, PKK İraqda 800 kəndi boşaldıb, oradakı mülki əhali acınacaqlı vəziyyətdədir.
P.ƏMİRCANOV
XQ