Türkiyə Prezidenti Rəcəb Tayyib Ərdoğanın tapşırığı ilə ölkənin Silahlı Qüvvələrinin hərbi-nəqliyyat təyyarələri Qəzza zolağının sakinlərinə çatdırmaq üçün Misirə humanitar yardım göndərməkdə davam edir. Bu barədə Türkiyə Milli Müdafiə Nazirliyinin X sosial şəbəkəsində yaydığı məlumatda deyilir.
Məlumatı XQ “Anadolu”ya istinadən verib. Yüklər əsasən tibbi ləvazimatlardan ibarətdir.
Məlumata görə, Türkiyə Qəzzaya ümumilikdə dörd humanitar yardım təyyarəsi göndərməyi planlaşdırır.
P.ƏMİRCANOV
XQ
