MiQ-31 qırıcı təyyarəsi Avaça körfəzi üzərində planlaşdırılmış təlim uçuşu zamanı qəzaya uğrayıb. Sakit Okean Donanmasının axtarış-xilasetmə qüvvələri artıq ekipaj axtarır.
Bu barədə TASS-a donanmanın mətbuat xidmətindən məlumat verilib.
“İyulun 4-də Kamçatka ərazisində Avaça körfəzinin suları üzərində planlaşdırılmış təlim uçuşunu yerinə yetirərkən MiQ-31 qırıcısı qəzaya uğrayıb. Təyyarə sursatsız uçurdu”, - məlumatda deyilir.
Qeyd olunur ki, Sakit Okean Donanmasının axtarış-xilasetmə qüvvələri artıq qəza yerinə göndərilib, onlar ekipajı axtarırlar.
"Xalq qəzeti"
