Martın 6-da axşam saatlarında başlayan güclü külək Tərtər rayonunda bir sıra fəsadlar törədib.
AZƏRTAC-ın bölgə müxbiri xəbər verir ki, külək 5 elektrik, 5 gecə işıqlanması dirəyini aşırıb, rayonun 23 yaşayış məntəqəsində elektrik enerjisinin verilişi dayanıb.
Rayon Fövqəladə Hallar Komissiyası tərəfindən dəymiş ziyanın dəqiqləşdirilməsi və aradan qaldırılması istiqamətində iş aparılır.
Külək nəticəsində Ağdam və Bərdə rayonlarının da elektrik verilişində fasilələr yaranıb.
