Biləsuvar rayonunda 9 ildir fəaliyyət göstərən "Biləsuvarda Qadınların Sosial İnkişafına Dəstək" İctimai Birliyi qadınlar, xüsusilə sosial dəstəyə ehtiyacı olanlarla bağlı layihələri uğurla həyata keçirir.

Birləşmiş Millətlər Təşkilatının İnkişaf Proqramının Azərbaycanda İnnovasiya Əsaslı və Dayanıqlı Vətəndaş Cəmiyyətinin İnkişafı lahiyəsi çərçivəsində icra edilən "Su qıtlığından əziyyət çəkən həssas qrupların yeni təsərrüfat sahəsi vərdişlərinə yiyələnmə və iqtisadi güclənmə" təşəbbüsü  Biləsuvarda Qadınların Sosial İnkişafına Dəstək İctimai Birliyi tərəfindən Biləsuvar rayonu ərazisində uğurla davam edir. Bu rayonda 2023-cü ilin fevral ayından start götürən layihə uğurla başa çatıb.  

İctimai birlik tərəfindən geniş ərazidə 42000 ağacın əkilib. Yeni layihə əsasında  yaşıllıq zolağının salınmasında məqsəd  Biləsuvar rayonu ərazisində baramaçılıq təsərrüfatlarının yaradılmasıdır. Adından məlum olduğu kimi, layihənin əsas məqsədi su qıtlığından əziyyət çəkən region insanını mövcud xammaldan istifadə edərək iqtisadi güclənməsini təmin etmək, yeni vərdişlərinə yiyələndirməkdir.

Layihədə ekoloji faydalılıq prioritet istiqamət kimi nəzərdə tutulub. Odur ki,  tut ağacının susuzluğa dözümlüyü, baramaçılıqda xammal yem bazası olmasını nəzərə alınaraq bu layihəyə start verilib.  Məişət tullantılarında təmizlənmiş, əkilən ağacların ümumi 5 hektar ərazisi Biləsuvar şəhərində və rayonun 6 kəndində (Xırmandalı, Bəydili, Amankənd, Dövrüşlü , Səmədabad və Əsgərabad) yerləşir. Bu ərazilərdə ağaclar əkilərkən su hövzələrinə yaxın olması, suyun olmayacağı təqdirdə ehtiyat mənbələri hesabına necə suvarılacağı müzakirə olunub.
Artıq bu ərazilərdə əkilən 42000 ağac göz oxşayır.  Ağacların ayrılmasında layihəyə yaxından dəstək olan  əsas tərəfdaş  Kənd Təsərrüfatı Nazirliyidir. 

XQ