“İsgəndər-M” kompleksi Xarkov şəhərinin sənaye zonasında xarici muzdluların müvəqqəti yerləşdikləri məntəqəyə raket zərbəsi endirib. Bu barədə iyulun 25-də Rusiya Müdafiə Nazirliyi məlumat yayıb. Xəbəri “İzvestiya.ru” verib.
Nazirlik muzdluların məhv edilməsini əks etdirən hava görüntülərini yayıb.
“İsgəndər-M” operativ-taktiki raket kompleksinin heyəti Xarkov şəhərinin sənaye zonasında “Scorpion” tikinti şirkətinin binasında xarici muzdluların müvəqqəti yerləşdirildiyi məntəqəyə raket hücumu həyata keçirib”, - deyə nazirlikdən bildirilib.
Hücum nəticəsində 100-ə qədər döyüşçü öldürülüb. Onlardan 40-ı əcnəbi təlimatçılar, 60 nəfəri isə Ukrayna Silahlı Qüvvələrinin (AFU) 51-ci mexanikləşdirilmiş briqadasının əsgərləri olub.
P.ƏMİRCANOV
XQ